Hér má sjá yfirlit yfir verkefni okkar og hvað það er sem við sýslum við.
Aðalverkefnið okkar er rekstur vefsíðunnar Sundlaugar.is en vefsíðan er upplýsingarsíða um sundlaugar á Íslandi. Þar má finna opnunartíma, verðskrá, myndir og fleira gagnlegt.
Áður vorum við einnig með vefinn tjalda.is en seldum hann árið 2021. Þá vorum við líka með vefinn bestivinur.is sem var upplýsingarvefur um hundasvæði og aðrar upplýsingar fyrir hundaeigendur.
En smá um okkur
Geir Gígja
Geir hefur mikla reynslu af sölu og markaðsmálum og rekstrartengdum málum. Hann starfaði lengi sem pitsubakari þar sem hann sá um nokkra staði og vann bæði hjá Jón Bakan og seinna hjá Pizza67. Því næst fór hann að starfa hjá Hans Petersen og þar fékk hann að starfa við ansi margt. Hann byrjaði sem verslunarstjóri, var svo vörustjóri, þá starfsmannastjóri, sölu og markaðsstjóri, rekstarstjóri og framkvæmdastjóri. Hann söðlaði svo um og menntaði sig í Ferðamálafræðum frá Háskólanum á Hólum og fór í kjölfarið að vinna sem rekstrarstjóri hjá ITA (Iceland Travel Assistance). Svo hóf hann störf hjá Hótel Cabin og tengdum hótelum sem sölu – og markaðsstjóri og starfar þar enn.
Jónína Einarsdóttir
Eftir menntaskóla lá leið hennar í grunnskólakennarann og starfaði hún fyrst sem umsjónarkennari, því næst starfaði hún sem myndlistarkennari við Áslandsskóla í mörg ár. Svo kom að því að hana langaði að breyta til og fékk vinnu sem deildarstjóri við leikskólann Vesturkot. Fljótlega tók hún við sem aðstoðarleikskólastjóri þar. Það vakti áhuga hjá henni að mennta sig meira í stjórnun menntastofnana og kláraði hún masterinn í því. Þá bauðst henni að taka við leikskólanum Stakkaborg í Reykjavík þar sem að hún var í nokkur ár. Nýlega tók hún svo við leikskólanum Urriðabóli 2 sem er einkarekinn leikskóli í Garðabæ, rekinn af Skólar ehf.